Haathon Main Pighal Janay Ko Jee Chahta Hay
Aatish-E-Shoaq Main Jal Janay Ko Jee Chahta Hay…
Tujh Say Ik Raaz Ki Sargoshi Bhi Karna Chahoon
Phir Wohi Raaz Nigal Janay Ko Jee Chahta Hay…
Dil Yeh Chahay Kay Tere Dil Main Rahoon Dil Ban Kay
Phir Usi Dil Say Nikal Janay Ko Jee Chahta Hay…
Wehshat Abad Makanon Main Nahi Jee Lagta
Sheher Say Door Nikal Janay Ko Jee Chahta Hay…
Hum Say Yeh Rasm Ki Zanjeer Bhi Kab Toot Saki
Dil Ki Zidd Par Bhi Machal Janay Ko Jee Chahta Hay
No comments:
Post a Comment