Yeh Shiishe Yeh Sapne Yeh Rishte Yeh Dhaage

Yeh Shiishe Yeh Sapne Yeh Rishte Yeh Dhaage
Kisse Kya Khabar Hai Kahaan Toot Jaayein
Mohabbat Ke Dariya Mein Tinke Wafaa Ke
Na Jaane Yeh Kiss Mod Par Doob Jaayein

Ajab DIL Ki Basti Ajab DIL Ki Waadii
Har Ek Mod Mausam Nayii Khwaahishon Kaa
Lagaaye Hain Ham Ne Bhi Sapnon Ke Paudhe
Magar Kya Bharosa Yahaan Baarishon Ka

Muraadon Ki Manzil Ke Sapnon Mein Khoye
Mohabbat Ki Raahon Pe Ham Chal Pade The
Zaraa Door Chal Ke Jab Aankhein Khulii To
Kadii Dhuup Mein Ham Akele Khade The


Jinhein DIL Se Chaaha Jinhein DIL Se Pooja
Nazar Aa Rahe Hain Wahi Ajnabi Se
Rawaayat Hai Shaayad Yeh Sadiyon Puraani
Shikaayat Nahin Hai Koi Zindagi Se