gile fuzul the ahad-e-vafaa ke hote hue
so chup raha sitam-e-naarava ke hote hue
ye qurbato mein ajab faasale pare ki mujhe
hai aashna ki talab aashnaa ke hote hue
wo hilaa-gar hain jo majaburiyaa shumaar karain
chiraag ham ne jalaaye hawa ke hote huye
na kar kisi pe bharosa ke kashtiyaa Doobi
Khuda ke hote huye naakhuda ke hote huye
kise Khabar hai ki kasaa-ba-dast phirate hain
bahut se log saroon par huma ke hote hue
'Faraz' aise bhi lamhe kabhi kabhi aaye
ki dil girifta raha dil_rubaa ke hote hue
No comments:
Post a Comment