terii zamiiN se uThTheNge to aasmaaN hoNge
ham aise log zamaane meN phir kahaaN hoNge
chale gaye to pukaaregii har sadaa ham ko
na jaane kitnii zubaanoN se ham bayaaN hoNge
lahuu lahuu ke sivaa kuch na dekh paaoge
hamaare naqsh-e-qadam is qadar ayaaN hoNge
sameT leejiye bhiige hu’e har ek pal ko
bikhar gaye jo ye motii to raayegaaN hoNge
udaas dil kaa Thikaanaa kisii ko kyaa ma’aluum
ham apne aap se bicchRe to phir kahaaN hoNge
No comments:
Post a Comment