Tum bula kar to dekho,

Tum bula kar to dekho,
Tumhari aik awaaz par main har bandhan tor don gi...
Har rishta chorr doon gi,
Apne daaman mein chunay huwe phool dehleez par piro doon gi,
Tumhara saath paane ke liye,
Zamane ki deewaro ko tor du gi...
Magar ae ajnabee!
Itna yaad rakhna,

Main aik nadaan larki hoon,

Issliye jab bhi pukaarna,
Dil se sachi awaaz dena,
Mujhe jazbo ka anokha ehsaas dena,
Pyar ke rango se meri maang sajana,
Zindagi ki har khushi aur gham ko,
Mere saath bitana...
Magar kabhi kahin kissi mor par tumhein
Aisa karne mein dushwari ho,
Apne aap ko mujhme paane ki badgumani ho,
To apni pukaar thaam lena...

Kyukeh main aik nadaan larki hoon,

Jo zara si thais lagne par
Bikhar kar choor choor ho sakti hoon..