bujhay bujhay se ajeeb din hain, na khwab hai na khayyal koi
na manzaroN mein koi kashish hai, na mausamoN mein jamal koi
hum ek doojay ko apni apni adhoori aankhoN se dekhtay hain
hamari barsoN ki chahatoN par utar raha hai zawaal koi
jo hansna chaheN to ashk nikleN, jo rona chaheN to hanstay jayeN
hamaray jazbaat girvi rakh kar bana raha hai misaal koi
No comments:
Post a Comment